Мадриднинг “Реал” клуби собиқ футболчиси Роберто Карлос италиялик мураббий Карло Анчелоттининг Бразилия терма жамоаси бошқарувига келиши мумкинлиги ҳақида гапирди.
"Мен улар ўртасида алоқа борлигига ишонмайман. Анчелоттининг "Реал" билан амалдаги шартномаси бор. У мендан Бразилия терма жамоаси ҳақида сўрамаган, лекин у ерда ишлашни хоҳлаётганини ҳеч қачон айтмаган.
Унинг шартнома бўйича келишиб олгани ҳақидаги хабарни кўриб ҳайрон бўлдим. Бир вақтнинг ўзида иккита шартнома ҳақида ўйлаш нопрофессионалликдир", - дея Карлосдан иқтибос келтиради CNN.
Эслатиб ўтамиз, Анчелотти ва "Реал" ўртасидаги амалдаги меҳнат шартномаси келаси йилнинг ўрталарига қадар тузилган.
