"Barselona" himoyachisi Kleman Langle "Tottenxem"ga o‘tishga yaqin turibdi, deb xabar beradi Sport.es.
28 yoshli fransiyalik futbolchi o‘tgan mavsumda londonliklar safida ijara asosida o‘ynadi. U 35 ta o‘yin o‘tkazib, 1 ta gol urdi va 2 ta golli uzatmani amalga oshirdi.
Langle 2018 yildan beri "Barselona"da o‘ynab kelmoqda. Uning kataloniyaliklar bilan shartnomasi 2026 yilgacha mo‘ljallangan. Transfermarkt portali himoyachining narxini 10 million yevroga baholamoqda.