"Tottenxem" klubi "Spartak" va "Galatasaroy"ning jamoa himoyachisi Davinson Sanches bo‘yicha kelib tushgan taklifini qabul qilmadi.

Jurnalist Pipe Siyerraning yozishicha, "shporlar" o‘z futbolchisini 10 million yevro taklif qilgan Moskvaning "Spartak" klubiga, shuningdek, Turkiyaning "Galatasaroy" jamoasiga sotishni xohlamadi.

Manbaning ta’kidlashicha, Sanches xizmatlariga yana bir qancha Yevropa klublari qiziqish bildirmoqda, biroq hozircha ulardan "Tottenxem"ga takliflar bo‘lmagan.

27 yoshli kolumbiyalik futbolchining inglizlar jamoasi bilan shartnomasi kelasi yozgacha mo‘ljallangan. Transfermarkt portali Sanchesning narxini 15 million yevroga baholamoqda.