GSFN xabariga ko‘ra, "Everton" "Almeriya" hujumchisi El Bilal Tureni sotib olishga jiddiy yondashmoqda.
Manbaga ko‘ra, "irischilar"ning birinchi taklifi rad etilgan. Superdeporte xabariga ko‘ra, u 30-35 million yevroni tashkil qilgan. Endi mersisaydliklarning 21 yoshli malilik uchun taklifi 40 million yevroga ko‘tariladi.
Ture "Almeriya"ga 2022 yilning sentyabrida 8 million yevro evaziga o‘tgan edi. O‘tgan yili u La Ligada 21 ta o‘yinda maydonga tushib, 7 ta gol urdi va 2 ta golli uzatmani amalga oshirdi.
Futbolchining shartnomasi 2028 yilning yoziga qadar amal qiladi. Transfermarkt portali uning narxini 12 million yevroga baholamoqda.
