GSFN хабарига кўра, "Эвертон" "Альмерия" ҳужумчиси Эл Билал Турени сотиб олишга жиддий ёндашмоқда.

Манбага кўра, "ирисчилар"нинг биринчи таклифи рад этилган. Superdeporte хабарига кўра, у 30-35 миллион еврони ташкил қилган. Энди мерсисайдликларнинг 21 ёшли малилик учун таклифи 40 миллион еврога кўтарилади.

Туре "Алмерия"га 2022 йилнинг сентябрида 8 миллион евро эвазига ўтган эди. Ўтган йили у Ла Лигада 21 та ўйинда майдонга тушиб, 7 та гол урди ва 2 та голли узатмани амалга оширди.

Футболчининг шартномаси 2028 йилнинг ёзига қадар амал қилади. Transfermarkt портали унинг нархини 12 миллион еврога баҳоламоқда.