“Neftchi” PFK rahbariyati 2022 yildan beri jamoada bosh murabbiy sifatida ishlab kelayotgan Vitaliy Grigoryevich Levchenko bilan shartnomani 31.12.2024 yilgacha uzaytirdi.
UYEFAning PRO lisenziyasiga ega bo‘lgan murabbiyning amaldagi shartnoma muddati shu yilning 31 dekabr kunigacha imzolangan edi.
Vitaliy Levchenko jamoada bosh murabbiy bo‘lib ishga kirishgandan buyon 26 bor jamoasini maydonga boshlab tushdi va ushbu uchrashuvlarda farg‘onaliklar 12 marta g‘alaba qozongan, 4 bor mag‘lubiyatga uchragan va 10 bor durang o‘ynagan.
Ushbu uchrashuvlarda 41 ta gol kiritilib, 26 ta to‘p o‘tkazib yuborilgan. Mazkur natijalar jamoaning so‘nggi yillardagi eng yaxshi ko‘rsatkichi bo‘lib turibdi.