“Нефтчи” ПФК раҳбарияти 2022 йилдан бери жамоада бош мураббий сифатида ишлаб келаётган Виталий Григорьевич Левченко билан шартномани 31.12.2024 йилгача узайтирди.
УЕФАнинг ПРО лицензиясига эга бўлган мураббийнинг амалдаги шартнома муддати шу йилнинг 31 декабрь кунигача имзоланган эди.
Виталий Левченко жамоада бош мураббий бўлиб ишга киришгандан буён 26 бор жамоасини майдонга бошлаб тушди ва ушбу учрашувларда фарғоналиклар 12 марта ғалаба қозонган, 4 бор мағлубиятга учраган ва 10 бор дуранг ўйнаган.
Ушбу учрашувларда 41 та гол киритилиб, 26 та тўп ўтказиб юборилган. Мазкур натижалар жамоанинг сўнгги йиллардаги энг яхши кўрсаткичи бўлиб турибди.