Madridning “Atletiko” klubi vingeri Yannik Karrasko jamoani tark etmoqchi.
Belgiyalik futbolchining “matraschilar” bilan shartnomasi kelasi yil yakuniga yetadi, biroq tomonlar yaqin orada hamkorlikni yakunlashlari mumkin.
Jurnalist Xavi Gomara xabariga ko‘ra, 29 yoshli futbolchi joriy transfer oynasi yopilishidan oldin "Atletiko"ni tark etishga qaror qilgan. Klub ham sotishni maqsad qilgan. Shu bilan birga, bosh murabbiy Diyego Simeone Karraskoni o‘z rejalari uchun muhim bo‘lgani uchun o‘zida saqlab qolmoqchi.
Transfermarkt portali Yannik Karraskoning transfer narxini 25 mln yevroga baholamoqda.
