Мадриднинг “Атлетико” клуби вингери Янник Карраско жамоани тарк этмоқчи.
Бельгиялик футболчининг “матрасчилар” билан шартномаси келаси йил якунига етади, бироқ томонлар яқин орада ҳамкорликни якунлашлари мумкин.
Журналист Хави Гомара хабарига кўра, 29 ёшли футболчи жорий трансфер ойнаси ёпилишидан олдин "Атлетико"ни тарк этишга қарор қилган. Клуб ҳам сотишни мақсад қилган. Шу билан бирга, бош мураббий Диего Симеоне Карраскони ўз режалари учун муҳим бўлгани учун ўзида сақлаб қолмоқчи.
Transfermarkt портали Янник Каррасконинг трансфер нархини 25 млн еврога баҳоламоқда.
