Tuxel hozirda 5 nafar futbolchi bilan kelisha olmayapti.

Joshua Kimmix, xavbek, 28 yosh

Ayni vaqtda dunyoning eng yaxshi yarim himmoyachilaridan biri Kimmix Nagelsmanning ishdan bo‘shatilishiga qarshi chiqqandi, ammo Salixamidjich va Kan buni amalga oshirdi. Hozirgi bosh murabbiy Tuxel esa Kimmixni hattoki, sotib yuborish haqida o‘ylayotgani ma’lum bo‘ldi. Joshuaga "Liverpul"dan katta qiziqish bor. Yarim himoyachining o‘zi ham jamoadan ketmoqchi edi, lekin Germaniyada bo‘lib o‘tadigan Yevro-2024 arafasida bu ishga qo‘l urmadi. Endi u munosabati yaxshi bo‘lmasa-da, Tuxel bilan ishlashga majbur.

Manuel Noyer, darvozabon, 37 yosh

Noyer: "Noyabr oyidan beri o‘ynamadim va mavsum boshini ham o‘tkazib yuboraman".

Germaniyalik darvozabon chang‘i kortida olgan jarohati sabab, o‘tgan mavsum yarmidan boshlab muhim o‘yinlarni o‘tkazib yuborgan. Uning yo‘qligini bildirmaslik uchun Martines va Livakovichni olib kelishmoqchi bo‘lishdi, ammo Yan Zommer bilan cheklandi. Zommer ham bu yozda katta ehtimol jamoani tark etadi. Noyer safga qaytgan taqdirda ham qanday formada bo‘lishini hech kim bilmaydi. Agar Manuelning o‘yini chiqmasa, Tuxel uni sotib yuborishdan xam tab tortmaydi.

Sadio Mane, vinger, 31 yosh

Mane kamtarligi sabab ko‘p maqtaldi, ammo u Sanening yuziga musht tushirdi. Leroy sherigini haqorat qildi, lekin Mane ham aybsizmasdi. Ikki senegallikning bunday mo‘jarosi Tuxelni ham havotirga soldi. Mane ilk mavsumda 38 ta o‘yinda atigi 12 ta gol va 6 ta golli uzatmani amalga oshirib, ishonchni uncha oqlay olmadi. Tuxel ham futbolchini sotib yuborishga qarshi emas. Sadioga Saudiya klublari katta qiziqish bildirgan. Agar Mane ketsa, Keynni qo‘lga kiritish osonlashadi. Mane esa, ketishni o‘ylamayapti.

Leon Goreska, xavbek, 28 yosh

Tuxel yaqindagina Leonning o‘tgan mavsumdagi o‘yinlarini tanqid qilgandi. Goreska haqiqiy jangchi, u asosiy tarkib uchun kurashadi. Ammo Myunxenda futbolchi va murabbiy o‘rtasidagi munosabatdan hammaning xabari bor. Leon katta ehtimol jamoadan ketishi mumkin. Chunki, yaqinda Laymer sotib olindi, Kimmix va Granvenberx asosiy futbolchilar. Goreska zahirada qoladi. Shu e’tibor bilan qaralsa, Leon Goreska "Bavariya" bilan xayrlashishi mumkin.

Matteys De Ligt, himoyachi, 23 yosh

Upamekanoga raqobatchi sifatida "Napoli"dan Kim Min Je olib kelindi. Agar fransuz terma jamoada yana o‘ynamoqchi bo‘lsa, o‘ziga yangi klub topgani ma’qul. Agar Tuxelga yoqmasa, De Ligtga ham chiqish eshiklari ko‘rsatilishi mumkin. O‘ng qanotga Uoker olib kelinsa, chapdagi Devis sotib yuborilishi ehtimoli bor. Himoyadagi katta o‘zgarishlar Matteysga ham ta’sir qilishi mumkin.

Sane, Gravenberh, Gnabri va Myuller ham murabbiy bilan chiqisha olmayapti. Lekin ular jamoada qolishi deyarli aniq. Chempionlar ligasidagi omadsizlikka sababchi bo‘lgan Kan, Salixamidjich va Nagelsman ishdan bo‘shatildi.

Yangi mavsum bo‘shlanishiga oz fursat qolmoqda va murabbiy tezroq futbolchilar bilan til topib ketishi kerak. Aks holda bunday yomon kayfiyat klubga butun mavsum ta’sirini o‘tkazadi.