"Tottenxem"ning 29 yoshli hujumchisi Xarri Keyn "Bavariya"ning kuchli qiziqishiga qaramay, parijliklar bilan muzokaralarni davom ettirmoqda.
Bu haqda jurnalist Matteo Moretto o‘z tvitterida xabar berdi.
Manbaning xabariga ko‘ra, parijliklar yaqinda angliyalik hujumchi bilan transfer borasida bog‘langan.
"Shporlar" va "PSJ" rahbariyati o‘rtasida yaxshi munosabatlar mavjud bo‘lib, bu mumkin bo‘lgan kelishuvni osonlashtirmoqda, biroq hozircha transfer bo‘yicha tomonlar o‘rtasida kelishuv yo‘q.
Keyn "Bavariya"ning kuchli qiziqishidan xabardor va uning kelajagi borasida hali yakuniy qarorga kelgani yo‘q.
Myunxenliklar bosh murabbiyi Tomas Tuxel futbolchini darhol sotib olmoqchi.
