Hujumkor yarim himoyachi Daichi Kamada faoliyatini davom ettirish uchun afzal ko‘rgan variantga qaror qildi.
Yoz boshida erkin agent maqomini olgan yaponiyalik futbolchi "Milan"ga o‘tishga yaqin qolgandi, ammo muzokaralar to‘xtab qoldi. Keyinchalik 26 yoshli futbolchiga "Roma" va "Atletiko Madrid" klublari ham qiziqish bildirishgan. Jurnalist Daniele Longoning so‘zlariga ko‘ra, Kamada “matraschilar”da o‘ynashni afzal ko‘rardi. Biroq, manba ta’kidlaganidek, A Seriyada o‘zini sinab ko‘rish imkoniyati ham yarim himoyachini o‘ziga tortadi.
Daichi Kamadaning sobiq klubi Frankfurtning “Ayntraxt” klubi bo‘lib, yaponiyalik 2022/23 yilgi mavsum yakunida, amaldagi shartnomasini uzaytirmay jamoa bilan xayrlashdi.