“Bobur arena”ni Superliga bellashuvlariga tayyorlash ishlari davom etmoqda. 12 iyul kuni liga mutaxassislari Andijonda bo‘lib, rasmiy uchrashuv o‘tkazish bo‘yicha qilinishi lozim bo‘lgan, biroq rejadan ortda qolayotgan masalalarni bayonlashtirgandi. 21-23 iyul kunlari liga Andijonga navbatdagi bor o‘z mutaxassislarini yubordi, deya xabar beradi liga matbuot xizmati.
Kelishuvga ko‘ra “Bobur arena” stadioni projektorlari 19 iyul sanasiga qadar 1500 lyuksni tashkil qilishi kerak edi. Biroq 22 iyul holati bo‘yicha projektor yorug‘ligi o‘rtacha 1340 ni ko‘rsatdi. Kiyim almashtirish, hakamlar, komissar va boshqa xonalarni tayyorlash ishlari deyarli yakuniga yetgan bo‘lib, mazkur xonalarni jihozlash ishlari qolgan.
Andijon viloyati hokimligi, viloyat futbol assosiasiyasi hamda liga “Bobur arena”ga Superligani qaytarish ustida ishlamoqdaligi ta’kidlangan.
