“Бобур арена”ни Суперлига беллашувларига тайёрлаш ишлари давом этмоқда. 12 июл куни лига мутахассислари Андижонда бўлиб, расмий учрашув ўтказиш бўйича қилиниши лозим бўлган, бироқ режадан ортда қолаётган масалаларни баёнлаштирганди. 21-23 июль кунлари лига Андижонга навбатдаги бор ўз мутахассисларини юборди, дея хабар беради лига матбуот хизмати.
Келишувга кўра “Бобур арена” стадиони прожекторлари 19 июль санасига қадар 1500 люксни ташкил қилиши керак эди. Бироқ 22 июль ҳолати бўйича прожектор ёруғлиги ўртача 1340 ни кўрсатди. Кийим алмаштириш, ҳакамлар, комиссар ва бошқа хоналарни тайёрлаш ишлари деярли якунига етган бўлиб, мазкур хоналарни жиҳозлаш ишлари қолган.
Андижон вилояти ҳокимлиги, вилоят футбол ассоциацияси ҳамда лига “Бобур арена”га Суперлигани қайтариш устида ишламоқдалиги таъкидланган.
