Paulo Dibala va "Roma" shartnomani uzaytirish bo‘yicha muzokaralarda muvaffaqiyatga erishdi.
Nikolo Skiraning so‘zlariga ko‘ra, yangi shartnoma 2026 yilgacha amal qiladi va yana bir mavsumga uzaytirilishi mumkin. Argentinalik futbolchining maoshi yiliga 6 million yevrogacha ko‘tariladi, yana bir yarim million bonuslar ko‘rinishida beriladi.
Joze Mourinyo Pauloni jamoaning asosiy o‘yinchisi sifatida ko‘rsatdi va futbolchining o‘zi Rimda juda baxtli. "Roma"dagi debyut mavsumida Dibala barcha musobaqalarda 18 ta gol urdi va 7 ta golli uzatmani amalga oshirdi.
