"Yuventus" hujumchisi Dushan Vlahovich hali optimal formasiga erishgani yo‘q.

23 yoshli futbolchi o‘tgan mavsumda jarohati tufayli tez-tez maydonga tushmadi, endi esa Turin klubi rasmiy uchrashuvlar boshlangunga qadar muammolar takrorlanmasligi uchun serbning sog‘lig‘ini xavf ostiga qo‘ymaslikni afzal ko‘rmoqda.

Sky Sport xabariga ko‘ra, Vlahovich bir necha kunlik ta’tildan so‘ng yugurish mashg‘ulotlariga kirishgan, biroq murabbiy Massimiliano Allegri uni 28 iyul kuni "Milan"ga qarshi bo‘lib o‘tadigan o‘rtoqlik o‘yinida o‘ynashga ruxsat bermaydi.

So‘nggi mavsumda Dushan Vlahovich 42 ta o‘yinda 14 ta gol urdi va 4 ta golli uzatmani amalga oshirdi.