Qanot himoyachisi Jeremi Boga "Atalanta"dan "Nissa"ga o‘tdi.
26 yoshli futbolchining transferini seshanba kuni fransuz klubi matbuot xizmati rasman tasdiqladi. Taniqli insayder Nikolo Shiraning so‘zlariga ko‘ra, ivuarlik "Nissa" bilan 2027 yilning o‘rtalariga qadar hisoblangan shartnoma imzolagan va shartnoma turli bonuslarni hisobga olgan holda taxminan 20 million yevroni tashkil qilgan.
Jeremi Boga o‘tgan yozda "Sassuolo"dan 22 million yevro evaziga "Atalanta" safiga qo‘shilgan edi. So‘nggi mavsumda futbolchi Jan Pero Gasperini jamoasi uchun A Seriyaning 23 ta uchrashuvida qatnashib, ikkita gol va beshta golli uzatma muallifiga aylandi.
