"Al-Hilol"ning sobiq hujumchisi Odion Igalo Krishtianu Ronalduning Saudiya Arabistoniga o‘tishi haqidagi fikrlari bilan o‘rtoqlashdi.
Xabaringiz bor, 2023 yil boshidan buyon portugaliyalik yulduz “An-Nasr” sharafini himoya qilib kelmoqda.
"Biz ishtiyoq uchun emas, pul uchun o‘ynaymiz. Krishtianu Ronaldu butun faoliyati davomida mendan 100 barobar ko‘p maosh oldi, ammo u Saudiya Arabistoniga yo‘l oldi. U buni ehtiros uchun qilganmi? Yo‘q, pul uchun qilgan deb o‘ylayman", - dedi Igalo Futbol Fichajes bilan suhbatda.
E’tiborlisi hozirda Odion Igalo klubda ro‘yxatdan o‘tmagan. O‘z vaqtida bu futbolchi Yevropada, jumladan, "Manchester Yunayted"da ham o‘ynagan.
