"Ал-Ҳилол"нинг собиқ ҳужумчиси Одион Игало Криштиану Роналдунинг Саудия Арабистонига ўтиши ҳақидаги фикрлари билан ўртоқлашди.
Хабарингиз бор, 2023 йил бошидан буён португалиялик юлдуз “Ан-Наср” шарафини ҳимоя қилиб келмоқда.
"Биз иштиёқ учун эмас, пул учун ўйнаймиз. Криштиану Роналду бутун фаолияти давомида мендан 100 баробар кўп маош олди, аммо у Саудия Арабистонига йўл олди. У буни эҳтирос учун қилганми? Йўқ, пул учун қилган деб ўйлайман", - деди Игало Futbol Fichajes билан суҳбатда.
Эътиборлиси ҳозирда Одион Игало клубда рўйхатдан ўтмаган. Ўз вақтида бу футболчи Европада, жумладан, "Манчестер Юнайтед"да ҳам ўйнаган.
