"Sautgempton" yarim himoyachisi Romeo Laviaga Londonning "Chelsi" klubi qiziqish bildirmoqda.

19 yoshli futbolchiga asosiy da’vogar "Liverpul" bo‘lib turibdi. "Qizillar" allaqachon transfer bo‘yicha rasmiy muzokaralar olib borayotgan, ammo "avliyolar" bilan hali kelishuvga erishmagan.

Jurnalist Ben Jeykobsning xabariga ko‘ra, "Chelsi" belgiyalik futbolchi uchun kurashga aralashish niyatida va "ko‘klar" "Sautgempton"ga transfer uchun "Liverpul"dan ko‘ra ko‘proq tovon puli taklif qilishga tayyor. Shunga qaramay, manbaga ko‘ra, ayni damda yarim himoyachini qo‘lga kiritish uchun eng yaxshi imkoniyat "mersisaydliklar"dadir.

"Sautgempton" Romeo Laviani deyarli 60 million yevroga baholamoqda. Futbolchining shartnomasi 2027 yilgacha mo‘ljallangan.