"Саутгемптон" ярим ҳимоячиси Ромео Лавиага Лондоннинг "Челси" клуби қизиқиш билдирмоқда.
19 ёшли футболчига асосий даъвогар "Ливерпуль" бўлиб турибди. "Қизиллар" аллақачон трансфер бўйича расмий музокаралар олиб бораётган, аммо "авлиёлар" билан ҳали келишувга эришмаган.
Журналист Бен Жейкобснинг хабарига кўра, "Челси" бельгиялик футболчи учун курашга аралашиш ниятида ва "кўклар" "Саутгемптон"га трансфер учун "Ливерпул"дан кўра кўпроқ товон пули таклиф қилишга тайёр. Шунга қарамай, манбага кўра, айни дамда ярим ҳимоячини қўлга киритиш учун энг яхши имконият "мерсисайдликлар"дадир.
"Саутгемптон" Ромео Лавиани деярли 60 миллион еврога баҳоламоқда. Футболчининг шартномаси 2027 йилгача мўлжалланган.
