31 yoshli italiyalik hujumchi Manolo Gabbyadini faoliyatini Saudiya Arabistoni chempionatida davom ettirishi mumkin. Bu haqda insayder Janluka di Marsio ijtimoiy tarmoqlar orqali ma’lum qildi.

Jurnalistning so‘zlariga ko‘ra, "An-Nasr" Gabbyadinining xizmatlariga qiziqmoqda. Manolo yaqin kunlarda tibbiy ko‘rikdan o‘tishi va keyin klub bilan mehnat shartnomasini imzolashi kutilmoqda. Italiyalik futbolchining maoshi yiliga 3 million yevroni tashkil qiladi.

Hujumchi o‘tgan mavsumda "Sampdoriya"da o‘ynagandi. U A Seriyada 35 ta o‘yinda maydonga tushib, 7 ta gol urdi va 2 ta golli uzatmani amalga oshirdi.