31 ёшли италиялик ҳужумчи Маноло Габбьядини фаолиятини Саудия Арабистони чемпионатида давом эттириши мумкин. Бу ҳақда инсайдер Жанлука ди Марцио ижтимоий тармоқлар орқали маълум қилди.
Журналистнинг сўзларига кўра, "Ан-Наср" Габбьядинининг хизматларига қизиқмоқда. Маноло яқин кунларда тиббий кўрикдан ўтиши ва кейин клуб билан меҳнат шартномасини имзолаши кутилмоқда. Италиялик футболчининг маоши йилига 3 миллион еврони ташкил қилади.
Ҳужумчи ўтган мавсумда "Сампдория"да ўйнаганди. У А Серияда 35 та ўйинда майдонга тушиб, 7 та гол урди ва 2 та голли узатмани амалга оширди.
