"Qo‘qon-1912" jamoasi yetakchilaridan biri Islombek Isoqjonov ikkinchi davraga olib borilayotgan tayyorgarliklar haqida gapirdi.
"Avvalambor barchaga assalomu alaykum. Birinchi davrada bir qator kerakli uchrashuvlarda ochkolar yo‘qotdik. Bizga shunday imkoniyatlar yaratib berilayotgan bir paytda birinchi davradagi o‘yinlarimizni qoniqarsiz deb hisoblayman. Birinchi davradagi xatolarda kerakli xulosa chiqardik va ikkinchi davrada ushbu xatolarni qaytarmaslikka harakat qilamiz. “Qo‘qon-1912» jamoasi rahbariyati tomonidan berilayotgan yordamga mos holda biz borimizni berib harakat qilishimiz lozim. Oldimizga qo‘yilgan vazifani bajarish uchun maksimal harakat qilamiz. Barchasi o‘z qo‘limizda va biz Superliga yo‘llanmasini qo‘lga kiritish uchun harakatni to‘xtatmaymiz.
Ikkinchi davraga tayyorgarlikni ko‘proq jismoniy holatimizni yaxshilashga qaratdik. Shuningdek, bir qator o‘rtoqlik uchrashuvlarda maydonga tushdik. Menimcha, ikkinchi davraga yaxshi tayyorgarlik ko‘rdik. Nasib qilsa, ikkinchi davraning ilk uchrashuvida “Sho‘rtan”ga qarshi maydonga tushib, muxlislarimizni xursand qilamiz.
Har bir futbolchining o‘z maqsadi bo‘ladi. Maqsadsiz va harakatsiz hech kim hech nimaga erisha olmaydi. Ayni vaqtdagi asosiy maqsadim: “Qo‘qon-1912» jamoasi bilan Superliga yo‘llanmasini qo‘lga kiritish. Bizga ishongan har bir inson uchun ham biz vazifani bajarishimiz lozim bo‘ladi. Hozirgi holatimizdan kelib chiqib, bunga kuchimiz yetadi deb o‘ylayman. Uzoq vaqt davomida jarohat sababli maydondan tashqarida o‘tkazdim, endi yanada kuchliroq bo‘lib, maydonda borimni berishga harakat qilaman."
