«Real Sosyedad» «Tottenxem» himoyachisi Serxio Regilonga qiziqish bildirmoqda. Bu haqda jurnalist Fabrisio Romano xabar bermoqda.
Manbaga ko‘ra, parallel ravishda ispan klubi chap qanot himoyasi uchun boshqa futbolchilarni ham ko‘rib chiqmoqda.
Regilon o‘tgan mavsumni «Atletiko Madrid»da ijara asosida o‘tkazdi. 26 yoshli himoyachi «matraschilar»ning 12ta uchrashuvida qatnashib, ularda gol ura olmadi. Endi Transfermarkt portali ispaniyalik futbolchini 10 million yevroga baholamoqda.
Eslatib o‘tamiz, «Real Sosyedad» Ispaniya chempionatining so‘nggi mavsumdagi turnir jadvalini to‘rtinchi o‘rinda yakunladi va Chempionlar ligasiga yo‘l olishga muvaffaq bo‘ldi. La Liganing yangi mavsumi avgust oyida boshlanadi.
