«Реал Сосьедад» «Тоттенхэм» ҳимоячиси Серхио Регилонга қизиқиш билдирмоқда. Бу ҳақда журналист Фабрицио Романо хабар бермоқда.
Манбага кўра, параллель равишда испан клуби чап қанот ҳимояси учун бошқа футболчиларни ҳам кўриб чиқмоқда.
Регилон ўтган мавсумни «Атлетико Мадрид»да ижара асосида ўтказди. 26 ёшли ҳимоячи «матрасчилар»нинг 12та учрашувида қатнашиб, уларда гол ура олмади. Энди Transfermarkt портали испаниялик футболчини 10 миллион еврога баҳоламоқда.
Эслатиб ўтамиз, «Реал Сосьедад» Испания чемпионатининг сўнгги мавсумдаги турнир жадвалини тўртинчи ўринда якунлади ва Чемпионлар лигасига йўл олишга муваффақ бўлди. Ла Лиганинг янги мавсуми август ойида бошланади.
