Xavi «Real» bilan o‘yinda «Barselona»ni o‘zgartirdi va g‘alaba qozondi.
«Arsenal» bilan o‘yindan so‘ng Xavi bir qator xulosalar chiqardi va «Real» bilan o‘yinda deyarli barchasini o‘zgartirdi. «Barsa» futbolchilari endi ikkita teng tarkibga bo‘linmay, aksincha, eng kuchli o‘zakka aylandi va bosh murabbiy yangi mavsumda asosiy qilib qo‘yishi mumkin bo‘lgan yaxlit sxema yaraldi.
1. Uchta himoyachi uslubiga qaytish
Kristens, Kunde va Arauxo o‘tgan mavsumda samarali ishlagan eng kuchli himoya tanlovlaridir, shuning uchun Xavi yaxshi ishlayotgan narsani o‘zgartirmaslikka qaror qildi. Yagona ogohlantirish shundaki, Ronald Arauxo Vinisius timsolida asosiy xavfni bartaraf etish uchun doimo «Real»ga qarshi o‘ngga o‘tadi. Shuning uchun himoya triosining pozisiyasi uchrashuvga qarab o‘zgarishi mumkin.
2. Balde yanada erkinlikka erishdi
Alexandro Balde, 19 yoshda, hozirgi «Barselona»ning eng muhim futbolchilaridan biri, usiz Xavining sxemasi unchalik yaxshi bo‘lmasdi. Oldin futbolchining qanotda bo‘sh joyi ko‘p bo‘lgan bo‘lsa, hozir bundan ham kengroq o‘ynamoqda. U old chiziqda hujumlarga ko‘proq aralashadi. O‘tgan mavsumda, nominal bo‘lsada, Gavi chap qanotda o‘ynagan, ammo Gyundogan markazda butunlay boshqacha harakat qiladi. Unga hujumchi ostida o‘ynash qulayroq va to‘p bilan ancha yaxshi. Ammo Ilkay kelgach «Barselona»da tayanch zonasining harakati ham o‘zgardi (bu haqda birozdan keyin).
3. Gavi va Dembele
O‘tgan mavsumda «Barselona» tez-tez chap qanotda ko‘pchilikning yordamidan foydalandi, hatto Dembele o‘zi uchun noqulay bo‘lgan chap qanotda ko‘p marta ko‘rinish berdi. Biroq yangi mavsumdan u yana o‘ngga qaytdi. Gyundogan tufayli Pedri Dembelega yaqinlashib o‘ynadi va ular birgalikda qisqaroq uzatmalarni amalga oshirishga moyil bo‘lishdi. Natijada jarima zarbasidan so‘ng bir vaziyatda golni yuzaga keltirishdi, bundan tashqari ular juda xavfli ko‘ringan, ammo golga olib kelmagan bir qancha epizodlarni yaratishdi, faqat biroz jamoaviy ish yetishmagandek ko‘rindi, buni futbolchilar mavsum davomida ko‘rsatishdi.
4. Romeu va De Yong tandemi
«Real Madrid»ga qarshi o‘yinda «Barselona» ko‘proq vaqtini maydonning o‘ng yarmiga qaratdi, biroq o‘tgan mavsumda vaziyat teskari yo‘nalishda aks etgan edi va bu yerda yetarlicha kadrlar muammosi bo‘lsada, futbolchilarning pozisiyasi majburan o‘zgartirilgan holatlar ham bo‘lgan. Asosiy sabab - Busketsning yo‘qligi. Agar ilgari Frenki De Yong himoyaviy yarim himoyachilar juftligida o‘ynagan bo‘lsa, endi u Buskets o‘rniga yetakchiga aylanishi kerak, Oriol Romeu esa o‘tgan yilgi De Yong rolini sinab ko‘rishi kerak. Albatta, Busketsni De Yongga, De Yongni Romeuga to‘g‘ridan-to‘g‘ri almashtirishning iloji yo‘q, ular juda boshqacha o‘yinchilar, biroq ularning kuchli tomonlaridan foydalanib, yangi narsa qilish mumkin va bu Xavi uchun asosiy vazifalardan biri, kelayotgan mavsum buni bir qancha epizodlarda sinab ko‘rsa bo‘ladi.
Hozircha bu biz aniq bir o‘yinda ko‘rgan kichik lahzalar, ammo jamoaning shu tarzda o‘ynashda davom etishi uchun barcha mos detallar yig‘ilgan. Buning asosiy sababi shundaki, Xavi o‘yinni o‘zining eng yaxshi o‘yinchilari atrofida qurishga harakat qiladi va sxemani ularga emas, balki ulardan maxsus qolip yasab, o‘yinga moslashtirishga harakat qiladi. Demak, odatdagidek 4:3:3 sxemasi o‘tmishda qoldi va bizning oldimizda yangi «Barselona» qurilmoqda, u hozirda to‘rttagacha yarim himoyachidan foydalanadi. Hozircha «Real Madrid» bilan o‘yinda ular natijaga erisha olishdi, lekin baribir muammolar yetarli edi va madridliklardan omad yuz o‘girishigina «Barsa»ni goldan saqlab qoldi. Shuni ham unutmangki, Anchelotti Xavi hisobga olishi kerak bo‘lgan torroq o‘yin modelini qurmoqda, ya’ni boshqa raqiblar bilan o‘yinlarda ba’zi tafsilotlar o‘zgarishi mumkin. Shu munosabat bilan bo‘lajak «Milan»ga qarshi o‘yinni tomosha qilish qiziq bo‘ladi.
Yusufbek Saydaliyev tayyorladi
