Hujumchi Ante Rebich "Milan"dan "Beshiktosh"ga o‘tdi. Turk klubi o‘z sayti sahifalarida 29 yoshli xorvat bilan ikki yillik mehnat shartnomasi imzolanganini e’lon qildi.
"Beshiktosh" Rebich bilan kelishuvning moliyaviy shartlarini e’lon qildi. Ante shartnoma imzolash uchun bonus sifatida 280 000 yevro oladi. Shuningdek, xorvatiyalik har bir o‘yin uchun qo‘shimcha 10 ming yevrogacha ishlab olishi mumkin bo‘ladi.
Ante Rebich “Milan” safida 123 ta rasmiy o‘yin o‘tkazgan. Ularda xorvatiyalik futbolchi 29 ta gol va sheriklariga 17 ta golli uzatma yozdirib qo‘ygan.