"Atletiko Madrid" joriy transfer oynasida jamoaning yarim himoyasini kuchaytirmoqchi. Bu haqda "matraschilar" bosh murabbiyi Diyego Simeone aytib o‘tdi.
"Jamoaga Koke bilan maydon o‘rtasida o‘rinlarni bo‘lishib oladigan yarim himoyachi kerak. Bu bizga ko‘proq raqobat beradi. Oldinda uzoq mavsum bor, jamoada sof yarim himoyachi deyish mumkin bo‘lgan futbolchilar kam. Yangi yarim himoyachining olib kelish bizga ichki raqobat tug‘diradi", - dedi argentinalik murabbiy AS nashriga.
Eslatib o‘tamiz, Ispaniya chempionatining so‘nggi mavsumida madridliklar turnir jadvalida uchinchi o‘rinni egallagan edi.
