"Атлетико Мадрид" жорий трансфер ойнасида жамоанинг ярим ҳимоясини кучайтирмоқчи. Бу ҳақда "матрасчилар" бош мураббийи Диего Симеоне айтиб ўтди.
"Жамоага Коке билан майдон ўртасида ўринларни бўлишиб оладиган ярим ҳимоячи керак. Бу бизга кўпроқ рақобат беради. Олдинда узоқ мавсум бор, жамоада соф ярим ҳимоячи дейиш мумкин бўлган футболчилар кам. Янги ярим ҳимоячининг олиб келиш бизга ички рақобат туғдиради", - деди аргентиналик мураббий AS нашрига.
Эслатиб ўтамиз, Испания чемпионатининг сўнгги мавсумида мадридликлар турнир жадвалида учинчи ўринни эгаллаган эди.
