O‘zbekiston kubogi musobaqasining nimchorak final bosqichi o‘yinlariga start berildi. Bugun mazkur bosqich doirasida 3 ta o‘yin bo‘lib o‘tdi.

Eng kutilmagan natija Samarqandda qayd etildi. "Dinamo" o‘z maydonida "Paxtakor"ni qabul qilib, Superliganing amaldagi chempioni va peshqadamini musobaqadan chiqarib yubordi. Vadim Abramov shogirdlari bahsning 27-daqiqasiga kelib raqib darvozasiga 3 ta to‘p yo‘llashga ulgurishdi. Shaskix esa ikkinchi bo‘limda maydonga Turg‘unboyev, Alijonov, Cheran va Hamdamovni tushirdi. Dragan bahsning 63 va 82-daqiqalarida ikkita gol urishga muvaffaq bo‘ldi. Ammo bu "Paxtakor" uchun yetarli bo‘lmadi va jamoa turnirni erta tark etdi.

Qarshida bo‘lib o‘tgan "Nasaf" va "Paxtakor" jamoalari o‘rtasidagi o‘yinda muxlislar 7ta gol guvohi bo‘lishdi. Tomonlar hisobda "quvlashmachoq" o‘ynashdi. Hakam o‘yinga 7 daqiqa qo‘shib bergan paytda tabloda 3:3 hisobi porlab turgandi. Qo‘shib berilgan 5-daqiqa tugayotganida qanotdan yetkazib berilgan jarima to‘pini Azizbek Amonov bosh bilan "Buxoro" darvozasiga joylab, qarshiliklarga muhim g‘alabani taqdim etdi.

"Turon" esa Yaypanda "Paxtakor-79" jamoasini qabul qilib, yirik 3:0 hisobida g‘alaba qozondi.

O‘zbekiston kubogi. 1/8 final

NASAF - BUXORO - 4:3 (1:1)
Gollar: Aleksandar Stanisavlevich, 10 penalti (0:1), Alibek Davronov, 45+6 (1:1), Farruh Ibrohimov, 52 (1:2), Andres Chavez, 57 (2:2), Mateus Lima Kruz, 67 (3:2), Shohruz Norxonov, 84 penalti (3:3), Azizbek Amonov, 90+6 (4:3)

DINAMO - PAXTAKOR - 3:2 (3:0)
Gollar: Fransis Narx, 5 (1:0), Abubakir Mo‘ydinov, 13 (2:0), Joel Kojo, 27 (3:0), Dragan Cheran, 63 (3:1), Dragan Cheran, 82 (3:2)

TURON - PAXTAKOR-79 - 3:0 (1:0)
Gollar: Abega Enyang Ngu, 40 (1:0), Shohmalik Komilov, 69 (2:0), Humoyun Murtozayev, 78 penalti (3:0)