Ўзбекистон кубоги мусобақасининг нимчорак финал босқичи ўйинларига старт берилди. Бугун мазкур босқич доирасида 3 та ўйин бўлиб ўтди.

Энг кутилмаган натижа Самарқандда қайд этилди. "Динамо" ўз майдонида "Пахтакор"ни қабул қилиб, Суперлиганинг амалдаги чемпиони ва пешқадамини мусобақадан чиқариб юборди. Вадим Абрамов шогирдлари баҳснинг 27-дақиқасига келиб рақиб дарвозасига 3 та тўп йўллашга улгуришди. Шацких эса иккинчи бўлимда майдонга Турғунбоев, Алижонов, Черан ва Ҳамдамовни туширди. Драган баҳснинг 63 ва 82-дақиқаларида иккита гол уришга муваффақ бўлди. Аммо бу "Пахтакор" учун етарли бўлмади ва жамоа турнирни эрта тарк этди.

Қаршида бўлиб ўтган "Насаф" ва "Пахтакор" жамоалари ўртасидаги ўйинда мухлислар 7та гол гувоҳи бўлишди. Томонлар ҳисобда "қувлашмачоқ" ўйнашди. Ҳакам ўйинга 7 дақиқа қўшиб берган пайтда таблода 3:3 ҳисоби порлаб турганди. Қўшиб берилган 5-дақиқа тугаётганида қанотдан етказиб берилган жарима тўпини Азизбек Амонов бош билан "Бухоро" дарвозасига жойлаб, қаршиликларга муҳим ғалабани тақдим этди.

"Турон" эса Яйпанда "Пахтакор-79" жамоасини қабул қилиб, йирик 3:0 ҳисобида ғалаба қозонди.

Ўзбекистон кубоги. 1/8 финал

НАСАФ - БУХОРО - 4:3 (1:1)
Голлар: Александар Станисавлевич, 10 пенальти (0:1), Алибек Давронов, 45+6 (1:1), Фарруҳ Иброҳимов, 52 (1:2), Андрес Чавез, 57 (2:2), Матеус Лима Круз, 67 (3:2), Шоҳруз Норхонов, 84 пенальти (3:3), Азизбек Амонов, 90+6 (4:3)

ДИНАМО - ПАХТАКОР - 3:2 (3:0)
Голлар: Франсис Нарх, 5 (1:0), Абубакир Мўйдинов, 13 (2:0), Жоэл Кожо, 27 (3:0), Драган Черан, 63 (3:1), Драган Черан, 82 (3:2)

ТУРОН - ПАХТАКОР-79 - 3:0 (1:0)
Голлар: Абега Энянг Нгу, 40 (1:0), Шоҳмалик Комилов, 69 (2:0), Ҳумоюн Муртозаев, 78 пенальти (3:0)