Frankfurtning "Ayntraxt" klubi yarim himoyachisi Jibril Sou faoliyatini Ispaniya chempionatida davom ettiradi.
26 yoshli shveysariyalik futbolchining yangi klubi "Sevilya" bo‘ldi, deya xabar bermoqda insayder Fabrisio Romano ijtimoiy tarmoqlarda.
Jibrilning transferi uchun Andalusiya klubi rahbariyati nemis klubiga 14 million yevro to‘lagan. Yarim himoyachining "Sevilya" bilan shartnomasi 2028 yilning o‘rtalariga qadar tuzilgan.
Sou o‘tgan mavsumda Bundesligada 32 o‘yin o‘tkazdi. Yarim himoyachi to‘rtta gol urdi va to‘qqizta sariq kartochka oldi.