Londonning "Arsenal" klubi va Nikolas Pepe tomonlar o‘rtasidagi shartnomani bekor qilish masalasini muhokama qilishadi, deb xabar bermoqda Foot Mercato nashri. Futbolchiga yillik maoshning to‘lanishi tovon sifatida hisoblanadi.
Pepe "kanonirlar" safiga to‘rt yil avval "Lill"dan 80 million yevro evaziga kelib qo‘shilgandi. U o‘tgan mavsumni ijara asosida Fransiyaning “Nissa” klubida o‘tkazdi.
Eslatib o‘tamiz, so‘nggi mish-mishlar ivuarlik futbolchini Istanbulning "Beshiktosh"ga o‘tishi bilan bog‘lab turibdi. Biroq turk klubi futbolchini tekin kelishini talab qilmoqda.
Amaldagi shartnoma Pepeni "Arsenal" bilan yana bir mavsumga bog‘laydi. Transfermarkt 28 yoshli ivuarlik futbolchini 18 million yevroga baholamoqda.
