Лондоннинг "Арсенал" клуби ва Николас Пепе томонлар ўртасидаги шартномани бекор қилиш масаласини муҳокама қилишади, деб хабар бермоқда Foot Mercato нашри. Футболчига йиллик маошнинг тўланиши товон сифатида ҳисобланади.
Пепе "канонирлар" сафига тўрт йил аввал "Лилл"дан 80 миллион евро эвазига келиб қўшилганди. У ўтган мавсумни ижара асосида Франциянинг “Ницца” клубида ўтказди.
Эслатиб ўтамиз, сўнгги миш-мишлар ивуарлик футболчини Истанбулнинг "Бешиктош"га ўтиши билан боғлаб турибди. Бироқ турк клуби футболчини текин келишини талаб қилмоқда.
Амалдаги шартнома Пепени "Арсенал" билан яна бир мавсумга боғлайди. Transfermarkt 28 ёшли ивуарлик футболчини 18 миллион еврога баҳоламоқда.
