Xorvatiyalik himoyachi Yoshko Gvardiol "Manchester Siti"ga o‘tishga yaqin turibdi. Insayder Fabrisio Romanoning ijtimoiy tarmoqlardagi ma’lumotlariga ko‘ra, bugun, 4 avgust kuni futbolchi "shaharliklar" lageriga o‘tishdan oldin tibbiy ko‘rikdan o‘tadi.

Oldinroq Gvardiolning transferi uning pozisiyasidagi futbolchilar orasida rekord bo‘lishi ma’lum bo‘lgandi. "Manchester Siti" 21 yoshli xorvat uchun "Leypsig"ga 90 million yevro to‘laydi.

Germaniya jamoasi tarkibida himoyachi 2021 yilning iyulidan buyon o‘ynamoqda. Germaniya chempionatining so‘nggi mavsumida Gvardiol 30 ta o‘yin o‘tkazib, bitta gol urgan.