Hujumchi Eldor Shomurodov "Kalyari"da qanday qabul qilingani haqida gapirib, kelasi mavsumdagi umidlari bilan o‘rtoqlashdi.
"Asosiy maqsad "Kalyari"ga yordam berish. Ular meni qabul qilishdi. Ular menga ishonishlarini his qilyapman, jamoaga o‘z hissamni qo‘shmoqchiman. Gollar soniga kelsak... Ko‘nglimda bir raqam bor, lekin aytmayman!
Psixologik jihat katta ahamiyatga ega. Men o‘zimni kuchli his qildim, ambisiyalarim bor edi. Men o‘zimni ishonchli his qildim. Mana, "Kalyari"da mening yo‘limni takrorlash uchun barcha sharoitlar mavjud va men bu to‘g‘ri imkoniyat deb hisoblayman: tajribali va tayyor murabbiy, menga ishonadigan klub, ishtiyoqga to‘la yaxshi jamoa. Yig‘inga ko‘plab muxlislar jamoani olqishlash uchun kelishdi. Ular bizga ko‘p yordam berishadi.
O‘tgan yili A Seriyaga qaytish juda yoqimli edi. Jamoada tushunish, ishonch borligini his qilyapman. "Bari"ga qarshi xarakterli o‘yinlar meni ham hayratda qoldirdi va jamoaga kelish imkoniyati tug‘ilganda bu haqda o‘yladim", – dedi Shomurodov Tuttomercatoweb bilan suhbatda.
28 yoshli hujumchi "Roma"dan ijara asosida "Kalyari"ga o‘tdi.
