Ҳужумчи Элдор Шомуродов "Кальяри"да қандай қабул қилингани ҳақида гапириб, келаси мавсумдаги умидлари билан ўртоқлашди.

"Асосий мақсад "Кальяри"га ёрдам бериш. Улар мени қабул қилишди. Улар менга ишонишларини ҳис қиляпман, жамоага ўз ҳиссамни қўшмоқчиман. Голлар сонига келсак... Кўнглимда бир рақам бор, лекин айтмайман!

Психологик жиҳат катта аҳамиятга эга. Мен ўзимни кучли ҳис қилдим, амбицияларим бор эди. Мен ўзимни ишончли ҳис қилдим. Мана, "Кальяри"да менинг йўлимни такрорлаш учун барча шароитлар мавжуд ва мен бу тўғри имконият деб ҳисоблайман: тажрибали ва тайёр мураббий, менга ишонадиган клуб, иштиёқга тўла яхши жамоа. Йиғинга кўплаб мухлислар жамоани олқишлаш учун келишди. Улар бизга кўп ёрдам беришади.

Ўтган йили А Серияга қайтиш жуда ёқимли эди. Жамоада тушуниш, ишонч борлигини ҳис қиляпман. "Бари"га қарши характерли ўйинлар мени ҳам ҳайратда қолдирди ва жамоага келиш имконияти туғилганда бу ҳақда ўйладим", – деди Шомуродов Tuttomercatoweb билан суҳбатда.

28 ёшли ҳужумчи "Рома"дан ижара асосида "Кальяри"га ўтди.