Ukrainalik hujumchi Artyom Dovbik «Dnepr-1»ni tark etib, Ispaniya chempionatiga yo‘l oldi. 26 yoshli hujumchi bilan «Jirona» shartnoma imzoladi.

Klub rasmiy saytining xabar berishicha, tomonlar 2028 yilning yoziga qadar hisoblangan uzoq muddatli mehnat shartnomasini imzolagan.

Transfermarkt ma’lumotlariga ko‘ra, xarid yetti million yevroni tashkil qilgan.

Ukraina Premyer-ligasining so‘nggi mavsumida to‘purarlar poygasida Dovbik g‘alaba qozondi. Hujumchi 29 ta o‘yin o‘tkazib, 24 ta gol (8 ta penaltidan) urgan va 5 ta golli uzatmaga mualliflik qilgan.

«Jirona» La Ligani 12 avgust kuni «Real Sosyedad»ga qarshi safar uchrashuvi bilan boshlaydi.