"Napoli" bosh murabbiyi Rudi Garsiya "Al-Ahli"ning Viktor Osimxenga qiziqishi haqida fikr bildirdi.
OAVning so‘nggi xabarlariga ko‘ra, Saudiya klubi A Seriyaning eng yaxshi to‘purariga juda foydali taklif bilan chiqqan.
"Faoliyati yakunlanayotgan futbolchilar borki, ularning misolida Saudiya Arabistoni klubiga o‘tish qarorini tushunish mumkin. Ba’zan biz rad etib bo‘lmaydigan katta takliflar haqida gapiramiz. Siz cho‘qqida bo‘lganingizda va hali ham ko‘p narsaga erisha olsangiz, bu butunlay boshqa narsa. Lekin men Viktor emasman, undan shaxsan so‘rasangiz yaxshi bo‘lardi”, dedi Garsiya TMW nashriga.
Yoz boshida Osimxenga Yevropa futboli gigantlari qiziqish bildirgandi, ammo “Napoli” 24 yoshli hujumchi uchun taxminan 150 million yevro so‘ragandi.
