"Chelsi" hujumchisi Romelu Lukaku yaqinda Saudiya Arabistonidan yangi taklif oldi.
Il Corriere dello Sport nashri ma’lumotlariga ko‘ra, bu taklif futbolchi uchun ilgari qilingan taklifdan ham qulayroq bo‘lgan. Biroq belgiyalik futbolchi faqat Turinning "Yuventus" klubiga o‘tishni maqsad qilgani uchun bu taklifni rad etdi.
Eslatib o‘tamiz, avvalroq "Inter" Lukakuni ijaradan keyin doimiy ravishda sotib yubormoqchi edi. Romeluning "Yuventus" bilan muzokaralari haqida xabar topgan "neradzurrilar" rahbariyati jamoada jami uch mavsum o‘tkazgan hujumchi xizmatidan bosh tortdi.
Lukaku so‘nggi mavsumda A Seriyaning 25 o‘yinida 10 ta gol urdi.
