8 avgust, seshanba kuni YECHL uchinchi saralash bosqichi doirasidan o‘rin olgan Afinaning AYEK hamda Zagrebning “Dinamo” klublari o‘rtasidagi uchrashuv bo‘lib o‘tishi kerak edi.
Biroq, Xorvatiya klubining ma’lum qilishicha, UYEFA o‘yinni noma’lum muddatga qoldirishga qaror qilgan.
Bunga sabab gresiyalik muxlisning xorvatiyalik muxlislar tomonidan o‘ldirilishi bo‘ldi. Bir kun avval, dushanba kuni 150 nafar Zagreblik muxlislar guruhi AYEK stadioni yaqinida grek muxlislariga hujum qilgani xabar qilingandi. Hujum chog‘ida bir kishi pichoq bilan olingan jarohatlar natijasida halok bo‘lgan. Hozirda tergov harakatlari olib borilmoqda.
Eslatib o‘tamiz, AYEK o‘zining ijtimoiy tarmog‘ida marhumning oila-a’zolariga hamdardlik bildirgandi.
