8 август, сешанба куни ЕЧЛ учинчи саралаш босқичи доирасидан ўрин олган Афинанинг АЕК ҳамда Загребнинг “Динамо” клублари ўртасидаги учрашув бўлиб ўтиши керак эди.
Бироқ, Хорватия клубининг маълум қилишича, УЕФА ўйинни номаълум муддатга қолдиришга қарор қилган.
Бунга сабаб грециялик мухлиснинг хорватиялик мухлислар томонидан ўлдирилиши бўлди. Бир кун аввал, душанба куни 150 нафар Загреблик мухлислар гуруҳи АЕК стадиони яқинида грек мухлисларига ҳужум қилгани хабар қилинганди. Ҳужум чоғида бир киши пичоқ билан олинган жароҳатлар натижасида ҳалок бўлган. Ҳозирда тергов ҳаракатлари олиб борилмоқда.
Эслатиб ўтамиз, АЕК ўзининг ижтимоий тармоғида марҳумнинг оила-аъзоларига ҳамдардлик билдирганди.
