Madridning “Real” klubi himoyachisi Antonio Ryudiger tez orada faoliyatini Saudiya Arabistonida davom ettirishi mumkin.
Jurnalist Fransisko Fernandesning yozishicha, nemis futbolchisiga ushbu mamlakatning bir qator klublari qiziqish bildirmoqda.
Ryudiger Saudiya Arabistoniga ko‘chib o‘tishi mumkin. Chunki, futbolchi diniga ko‘ra musulmon. Antonio mavsumni "Real Madrid"ning zaxira himoyachisi sifatida boshlaydi, chunki ko‘plab nufuzli manbalarga ko‘ra, David Alaba va Eder Militao asosiy tarkibda o‘ynashda davom etadi.
Oldinroq, Ryudigerga "Al-Hilol" qiziqish bildirayotgani xabar qilingandi. Antonio "Chelsi"dan tekinga o‘tganidan so‘ng "Real"da bir mavsum o‘tkazishga muvaffaq bo‘ldi.
