"Vest Xem" yarim himoyachisi Lukas Paketani "Manchester Siti"ga hali ham sotishi mumkin.

London klubi avvalroq braziliyalik futbolchini saqlab qolish maqsadida "Manchester Siti"ning 70 million funt sterling (81 million yevrodan sal ko‘proq) og‘zaki taklifini rad etgan edi. Shu bilan birga, "bolg‘achilar" Paketaning "shaharliklar" safiga ko‘chib o‘tish istagi haqida bilishadi.

Yaqin kelajakda Angliya chempionlari shartnomaga ba’zi o‘yinchilarni kiritadigan variant taklif qilinishi mumkin. Bularning barchasi haqida insayder Fabrisio Romano ijtimoiy tarmoqlarda xabar tarqatdi.

Oldinroq "Vest Xem" o‘rniga futbolchi topish qiyinligini inobatga olib, 25 yoshli futbolchini yaxshi pulga ham sotishga tayyor emasligi xabar qilingandi. Kelishuvga futbolchilarni kiritish bu muammoni hal qilishi mumkin.