Kataloniyaning “Barselona” klubi Ispaniya chempionati uchun futbolchilarni ro‘yxatdan o‘tkazishda qiyinchiliklarga duch keldi, deya xabar bermoqda La portera de Nunez nashri.
Manbaga ko‘ra, La Liga boshlanishiga bir kun qolganda “ko‘k-anorranglilar” 23 nafar futbolchidan o‘n nafarini ro‘yxatdan o‘tkaza olmadi. Hozircha kataloniyaliklarning qaydnomasidan quyidagi futbolchilar tashqarida qolmoqda: Gyundogan, Arauxo, Alonso, Penya, Roberto, Langle, Dest, Ezzalzuli, Romeu va Martines.
Xavi Ernandes jamoasi Ispaniya chempionatining yangi mavsumini "Xetafe"ga qarshi mehmonda boshlaydi. Uchrashuv 13 avgust kuni bo‘lib o‘tadi.
O‘tgan mavsumda "ko‘k-anorranglilar" muddatidan avval La Liga chempioni bo‘lishdi.
