Rossiya Federal sud ijrochilari xizmati "Zenit"ning sobiq futbolchisi Malkomni qidiruvga qo‘yishga qaror qildi. Bu haqda "Mutkoga qarshi" telegram kanali xabar bermoqda.

Qayd etilishicha, Malkom Rossiyadan Saudiya Arabistoniga yo‘l harakati qoidalarini buzganlik uchun jarima sifatida 64 ming rubl to‘lamay ketgan. FSSP tegishli materiallarni oldi va futbolchini qidiruvga berdi.

Endi Malkomning Rossiyadagi bank hisoblari pul mablag‘lari yechib olinmaguncha bloklanishi mumkin. Qolaversa, futbolchi Rossiya chegarasida muammolarga duch kelishi mumkin.

Eslatib o‘tamiz, Malkom yozgi transfer oynasida "Zenit"dan "Al-Hilol"ga o‘tgan edi. Transfer summasi 60 million yevroni tashkil qildi.