«PSJ»ning portugaliyalik hujumchisi Gonsalu Ramush Fransiya-2023/24 chempionatining 1-turida «Loryan»ga qarshi o‘yin (0:0) haqida fikr bildirdi.
«Men yaxshiroq o‘ynay olaman. Raqiblar juda yaxshi himoyalanishdi, qo‘limizdan kelganini qildik, ammo bugun gol ura olmadik.
Bu hali boshlanishi, biz o‘yinimizni yaxshilaymiz va kurashamiz. Maydonda o‘zimni juda yaxshi his qildim, lekin men bundan ham yaxshiroq ish qila olaman deb o‘ylayman», - deya Ramushning so‘zlarini keltiradi RMC Sport.
7 avgust kuni «PSJ» Ramushni «Benfika»dan 2023/24 yilgi mavsum oxirigacha ijaraga oldi. 12 avgust kuni Liga 1 1-tur o‘yinida u Parij jamoasi safida debyut qildi, asosiy tarkibda maydonga tushdi va butun uchrashuvni maydonda o‘tkazdi.
