Terma jamoalarimiz qandaydir muvaffaqiyatsizlikka uchraydigan bo‘lsa, muxlislarimiz orasida "essiz shuncha ajratilayotgan pullar" qabilidagi gaplarni tez-tez eshitamiz. Hamma narsa nisbiy, shu sababdan, OFK a’zosi bo‘lgan milliy assosiasiyalarning byudjetlarini taqqoslab ko‘ramiz.

1. Saudiya Arabistoni futbol federasiyasi - 265 mln dollar (2022);
2. Yaponiya futbol assosiasiyasi - 200 mln dollar (2023);
3. Avstraliya futbol federasiyasi - 121 mln dollar (2018);
4. Koreya futbol assosiasiyasi - 120 mln dollar (2023);
5. Xitoy futbol assosiasiyasi - 65 mln dollar (2020);
6. BAA futbol assosiasiyasi - 32 mln dollar (2016);
7. Malayziya futbol assosiasiyasi - 20 mln dollar (2019);
8. Oman futbol assosiasiyasi - 16,7 mln dollar (2020);
9. Butun Hindiston futbol federasiyasi - 16 mln dollar (2023);
10. Singapur futbol assosiasiyasi 14,8 mln dollar (2021);
11. Vyetnam futbol federasiyasi -11 mln dollar (2020);
12. Butun Nepal futbol assosiasiyasi - 5,1 mln dollar (2023);
13. Filippin futbol federasiyasi - 4,7 mln dollar (2021);
14. Indoneziya futbol assosiasiyasi - 4,5 mln dollar (2020);
15. O‘zbekiston futbol assosiasiyasi ≈ 3 mln dollar (2022).

*Eron, Qatar, Iroq haqida ma’lumotlar keltirilmagan.

Oddiy o‘rtoqlik o‘yinlarini tashkillashtirish misolidagi farqni ko‘rib chiqadigan bo‘lsak, Osiyoning Yaponiya yoki Koreya singari yetakchi terma jamoalari o‘z uyiga Lotin Amerikasining o‘rtamiyona terma jamoalarini taklif qiladigan bo‘lsa, ularning to‘liq aviachipta va mehmonxona xarajatlarini qoplash bilan birga, 500 ming - 1 mln. dollar orasidagi summani hisob raqamlariga o‘tkazib berishadi.

O‘zbekiston esa byudjetdan kelib chiqib, bunday isrofgarchilikka yo‘l qo‘ya olmaydi. Shu sababdan ham O‘zbekiston terma jamoasining kuchli terma jamoalarga qarshi o‘rtoqlik o‘yinlari, asosan, safarda va terma jamoamizning xarajatlarini mezbon tarafdan to‘liq yoki qisman qoplab berish sharti bilan o‘tkaziladi.