Myunxenning "Bavariya" klubi joriy transfer oynasida yangi darvozabon izlashda davom etmoqda, deb yozadi jurnalist Florian Plettenberg ijtimoiy tarmoqlarida.
Manba bergan xabarga ko‘ra, "Manchester Siti" darvozaboni Stefan Ortega varianti hozirda "Bavariya" rahbariyatida muhokama qilinmoqda. Futbolchi tomoni bilan muzokaralar allaqachon olib borilgan.
Qayd etilishicha, Angliya jamoasi bosh murabbiyi Xosep Gvardiola darvozabonni jamoada qolishini istaydi va futbolchi bilan shartnomani uzaytirish variantlarini ko‘rib chiqmoqda.
Qayd etilishicha, "Bavariya"ga o‘tish qarori butunlay futbolchining o‘ziga bog‘liq. Myunxen klubi Sven Ulrayxning o‘yiniga qaramay, "Inter"ga ketgan Yann Zommerning o‘rniga o‘rinbosar izlashda davom etmoqda.
